Општина Центар ги известува граѓаните дека утре, 3 септември, со почеток во 12:00 часот, во просториите на Општина Центар, барака 6, ќе се одржи јавна презентација на Нацрт – Деталниот урбанистички план за Градска четврт Ј 05 – Барутана. На јавната презентација граѓаните ќе имаат можност непосредно да се запознаат со предложените плански решенија и да добијат повеќе информации за Нацрт-планот.

Советниците од ВМРО-ДПМНЕ и ЗНАМ на денешната 11. седница на Советот на Општина Центар не ја поддржаа Предлог-одлуката за суспензија на дел од ДУП „Буњаковец 1“, со која требаше да се спречи реализацијата на спорната градба кај студентскиот дом „Кузман Јосифовски-Питу“, сè додека не се обезбедат безбедни и правно сигурни услови за пристап и реализација на објектот.

Учениците од четврто до деветто одделение во ООУ „Киро Глигоров“ новата учебна 2026/2027 година ќе ја започнат со настава од далечина, поради градежните активности што Министерството за образование и наука ги изведува во дел од училишниот објект.

Предметот на овој Јавен повик опфаќа осмислување, организација, продукција и спроведување на разновидна еднонеделна програма (Прослава на јубилејната недела), која треба соодветно да го рефлектира половинавековниот развој, културниот идентитет, историското значење и урбаниот дух на Општина Центар.

Екипите на Општина Центар и овој викенд беа на терен. На повеќе локации низ општината се расчистуваа диви депонии и наталожен отпад, а паралелно се работи и на санација на проблемите на јавните површини.

Општина Центар започнува есенска теренска офанзива во која градоначалникот Горан Герасимовски, заедно со општинските служби и одговорните лица од урбаните заедници, ќе ги посети сите маала и улици на територијата на општината. 

Општина Центар реализира голем градежен зафат во објектот „Панорама“ на ЈУДГ ОЦ „Кочо Рацин“, каде што во тек е изградба на нов армирано-бетонски потпорен ѕид за стабилизација на земјиштето и спречување на ерозивни процеси.

Се донесува Решение за свикување на единаесеттата седница на Советот на Општина Центар-Скопје. Седницата ќе се одржи на 31.08.2026 година /понеделник/, со почеток во 12.00 часот.

Општина Центар е во завршна фаза со реконструкцијата на спортската сала во ООУ „Коле Неделковски“, која до почетокот на новата учебна година ќе биде целосно обновена и подготвена за учениците.

Градоначалникот на Општина Центар, Горан Герасимовски, денеска одржа координативна средба со директорите на сите општински основни училишта, на која беа разгледани последните подготовки пред почетокот на новата учебна година.