Општина Центар асфалтираше дел од улицата Загребска во Мало Курило, на површина од 930 квадратни метри. Со интервенцијата е решен долгогодишниот проблем со големите дупки и дотраениот коловоз, а значително се подобруваат безбедноста и условите за движење на возилата и пешаците, како и пристапноста за жителите од овој дел на општината.

Во рамки на Програмата за здравствена, социјална заштита и заштита на децата на Општина Центар-Скопје за 2026 година ќе се реализира проектот „Градинките партнери на семејството“ кој е наменет за поддршка на воспитувањето и грижата на децата и поактивно учество на родителите во животот и работата во детските градинки, преку објавување на Јавен повик за реализација на горенаведениот проект „Градинките партнери на семејството“.

Општина Центар информира дека средствата предвидени за еднократна финансиска помош за пензионерите во социјален ризик се целосно искористени.

„Во реконструираниот парк во Градски ѕид уредивме две нови катчиња, детско игралиште и вежбалница на отворено, а паркот го збогативме со ново зеленило. На овој начин создаваме повеќе можности за децата да играат и да се забавуваат на отворено, за соседите да се дружат, а за сите што сакаат да вежбаат да имаат место за рекреација во своето маало“, порача градоначалникот на Општина Центар, Горан Герасимовски, при обиколката на просторот зад „Краш“.

Градоначалникот на Општина Центар Горан Герасимовски денеска им врачи награди и признанија на 36-те хористи од училиштето „Кочо Рацин“ и нивната менторка , кои од Херцег Нови се вратија со освоено второ место на 11. Меѓународен натпревар по хорско пеење. 

Градоначалникот на Општина Центар, Горан Герасимовски, денеска им додели стипендии на осум ученици од социјално загрозени семејства од општинските основни училишта.

Градоначалникот на Општина Центар, Горан Герасимовски, учествуваше на панел-дискусијата „Кој ја обликува праведната зелена транзиција“, во рамки на Социо-еколошкиот форум во организација на Фондацијата „Фридрих Еберт“, каде ги претстави локалните политики и конкретните чекори што ги презема општината за енергетската транзиција, заштитата на зеленилото и унапредувањето на јавните простори.

Општина Центар објави јавен повик за еднократна финансиска помош за пензионерите во социјален ризик. Годинава помошта е удвоена, од досегашните 2.500 на 5.000 денари.

Општина Центар-Скопје распишува Јавен повик за доделување на финансиска поддршка наменета за пензионери во социјален ризик, кои имаат постојано живеалиште на територијата на Општина Центар-Скопје. Согласно Програмата за здравствена, социјална заштита и заштита на децата на Општина Центар-Скопје за 2026 година, во рамките на мерката „Поддршка за повозрасните граѓани – пензионери во социјален ризик“, се обезбедуваат средства за еднократна финансиска поддршка на пензионери кои се наоѓаат во социјален ризик, со цел подобрување на нивната материјална и социјална сигурност, олеснување на трошоците за секојдневно живеење и обезбедување поддршка за најранливите категории повозрасни граѓани.