Секторот за финансиски прашања е клучен за ефикасно, ефективно и квалитетно раководење со сите финансиски аспекти на Општина Центар - Скопје. Неговата работа е целосно усогласена со законските прописи од областа на буџетското работење, финансирањето на единиците на локалната самоуправа, финансиското управување и контрола, сметководството за буџетите и буџетските корисници, како и сите други релевантни прописи поврзани со финансиското работење на Општината.
Во Секторот за финансиски прашања функционираат три оделенија: Одделение за буџетска координација, Одделение за буџетска контрола и Одделение за сметководство и плаќање.
Ѓорѓе Димитријевиќ
Одделение за буџетска координација - мид
Одделение за буџетска контрола - мид
Одделение за сметководство и плаќања - мид
Работни цели на Секторот за финансиски прашања
Примарна цел на Секторот е да обезбеди стабилно и транспарентно финансиско работење на Општината, преку доследна примена на законската регулатива и ефективно управување со буџетските средства.
Работни задачи и обврски
Секторот за финансиски прашања ги извршува следниве клучни задачи и обврски:
-
Буџетско планирање и реализација: Организира и координира изготвување на буџетот на Општината, одлуката за извршување на буџетот, кварталните извештаи за извршување на буџетот, завршната сметка и годишниот извештај. Дополнително, го организира и координира тековната реализација на буџетот.
-
Управување со човечки ресурси: Ги распоредува работните задачи на раководителите на одделенијата и го следи текот на нивното извршување. Се грижи за стручното усовршување на вработените во Секторот, како и за нивната работна дисциплина.
-
Планирање и предлози: Подготвува предлог-план за работа на Секторот и се грижи за негова реализација. Подготвува предлози за политики по начелни прашања од надлежност на Секторот.
-
Соработка со општински тела: Учествува во работата на работните тела на Советот на Општината.
-
Банкарски гаранции: Ги презема сите дејства поврзани со банкарските гаранции дадени по склучените договори од постапките во сите сектори што ќе се обратат.
-
Следење и примена на прописи: Континуирано ги следи законските и подзаконските прописи и другите општи акти од областа на буџетското работење, финансирањето на единиците на локалната самоуправа, уредувањето на изворите на приходи на Општината, финансиското управување и контрола, водењето на сметководството за буџетите и буџетските корисници и други прашања од областа на финансиското и материјалното работење, обезбедувајќи нивна доследна примена.