Градоначалникот на Општина Центар Горан Герасимовски ги поканува сите љубители на културата и музиката на настанот „Центарска симфонија“, што ќе се одржи на 28 јуни 2025 година (сабота), со почеток во 20:00 часот на Плочник – Градски Ѕид кај Клуб на новинари.
„Центарска симфонија е музичко патување низ емоции, спомени и современи интерпретации – во Центар, во срцето на Скопје. Ќе слушаме безвременски теми од филмови што ја обележале нашата култура – во ново, моќно симфониско руво и во изведба на камерен оркестар и бенд, со специјален гостин Александар Тарабунов. Со настани како ‘Центарска симфонија’ ја збогатуваме културната понуда на Општина Центар и ја доближуваме уметноста до секој граѓанин. Горди сме што инвестираме во култура која ги поврзува генерациите и ја разубавува заедничката слика за животот во Центар“, вели Герасимовски.
Влезот е слободен и е дел од Годишната програма за култура на Општина Центар за 2025 година.
Ве очекуваме на 28 јуни – заедно да уживаме во убавите звуци на Центар!
