Фотонапонската централа на ООУ „Киро Глигоров“ веќе е во употреба и носи пониски сметки за електрична енергија. Со „Енергија–Центар“ инвестираме во обновливи извори, штедиме јавни средства и градиме поодржлив Центар.

Заедно со граѓаните, го одржавме вториот буџетски форум во ООУ „Димитар Миладинов“ за 2026 година. Продолжуваме заедно, отворено и одговорно, да го градиме буџетот што ги одразува вистинските потреби на центарци.

Општина Центар одржа уште една корисна работилница за пензионерите. Разговаравме за здрави навики, активен живот и подобра социјална поврзаност.

Хуманитарната акција на Црвениот крст – ОО Центар по повод Светскиот ден на волонтерството. Заедно со волонтерите подготвувавме пакети со храна за социјално загрозени семејства и ја дадовме нашата поддршка на нивниот несебичен труд.

„Работнички“ добива модерна сала по ФИБА стандарди! Ова не е само реконструкција – ова е ново поглавје за „Работнички“ и за спортот во Центар! 

Обележување на Светскиот ден на лицата со попреченост. Градоначалникот на Општина Центар, Горан Герасимовски, го посети Центарот за деца со церебрална парализа, кој одбележа 20 години постоење.

Симулациска вежба за евакуација при земјотрес и пожар во ООУ „Јохан Хајнрих Песталоци“, каде што 515 ученици и вработени беа евакуирани брзо, организирано и безбедно.

Поставени се сите 30 уреди за мерење бучава во Центар. Ги покривме најфреквентните локации низ општината, а врз основа на овие мерења нашите инспекциски служби вршат редовни контроли на терен.

Претставничката на УНИЦЕФ, Лесли Милер и градоначалникот Горан Герасимовски разговараа за превенцијата од вандализам и за воведувањето општокорисна работа како алатка за надминување на овој сè почест проблем кај малолетниците.