Во Општина Центар, неговото присуство се чувствува и денес. Преку муралот што го слави неговите дух и дело, преку бистата во Дебар Маало која секојдневно потсетува на неговата големина, преку настаните за одбележување на неговиот роденден кадешто се читаат неговите дела и се слуша неговата мисла.. Сите овие активности се наше „благодарам“. Благодарам за богатството што ни го остави.

Денес имав чест да ги пречекам учениците од повеќе основни училишта во Општина Центар. Заедно разгледавме како функционира локалната самоуправa и одговарав на нивните прашања за урбанизмот, комуналните услуги и проектите кои ја подобруваат нашата општина .

Општина Центар ја урна нелегалната доградба која подолго време го блокираше тротоарот и дел од коловозот во Дебар Маало. По повеќе опомени и непостапување, инспекциските служби и механизацијата излегоа на терен и ја отстранија бесправно поставената конструкција што го попречуваше нормалното движење на пешаците и сообраќајот.

Денеска, заедно со учениците од четврто одделение од ООУ „Јохан Хајнрих Песталоци“ одржавме час по локална самоуправа кадешто учевме како се гради општината, како се носат одлуките и што значи да се работи за сите граѓани.

Учиме за локалната самоуправа. Учениците од IV одделение од „Коле Неделковски“, „Кочо Рацин“ и „Киро Глигоров“ ја посетија Општина Центар и се запознаа со тоа што е локална самоуправа и како функционира општината.

Општина Центар ги повикува подобните и квалификувани понудувачи да дадат запечатени понуди за градежни работи кои вклучуваат Енергетски ефикасна реконструкција на објектот ООУ „Св. Кирил и Методиј – Центар“.

Градоначалникот на Општина Центар, Горан Герасимовски, во интервју за „Призма“ истакна дека во следните четири години ќе се заложи за двојно зголемување на зеленилото според бројот на високостеблести дрвја и вкупната покриеност со зелени површини.

Градоначалникот на Општина Центар, Горан Герасимовски, очекува и во новиот мандат стабилна и конструктивна соработка со сите советнички групи. „Политиката ја тргаме настрана и се насочуваме кон она што е најважно, интересот на граѓаните,“ рече Герасимовски во интервју за Racin.mk.