Едно од најпознатите детски игралишта во Дебар Маало, на улица „Славка Недик“, познато како „Дрвен“, е целосно реконструирано и доби современ и уреден изглед. Заменети се детските реквизити, поставени се нови лулашки, клупи и корпи за отпадоци, а просторот е збогатен со жардињери и летниковец.

Во рамки на Програмата за култура на Општина Центар-Скопје за 2026 година, а со цел популаризација на рок музиката во урбаната средина и поддршка на младите и неафирмирани музичари, се објавува Јавен повик за реализација на проектот „Звукот на иднината (We Will Rock You)“.

Се донесува Решение за свикување на шестата седница на Советот на Општина Центар-Скопје. Седницата ќе се одржи на 24.4.2026 година /петок/ во 11.00 часот.

Со ревијален натпревар во кошарка во реконструираната сала „Лазар Лечиќ“ во Градски парк, градоначалникот на Општина Центар, Горан Герасимовски, свечено ги затвори училишните спортски игри „Лига Центар“ 2025/26.

Вчера, во централното градско подрачје, на пешачката зона „Улица Македонија“ и низ Дебар Маало, успешно се одржа четвртото издание на културната манифестација „Центарски улици“, во организација на Општина Центар.

Градоначалникот на Општина Центар, Горан Герасимовски, во гостувањето во утринската програма „Македонија наутро“ на МРТВ информираше за тековните активности за реконструкција на детските и спортските игралишта низ општината.

Градоначалникот на Општина Центар, Горан Герасимовски, во гостувањето во утринската програма на Македонската телевизија ги покани сите граѓани да се приклучат на најголемиот хепенинг „Центарски улици 4“, што ќе се одржи на улица „Македонија“.

Во текот на ноќта се отстранети нелегално поставените објекти на влезот во Старата скопска чаршија, каде што се продаваа бижутерија и сувенири. Акцијата беше реализирана по наредба на овластен градежен инспектор од Секторот за инспекциски работи при Општина Центар, врз основа на претходно извршен вонреден инспекциски надзор. Со решението беше наложено нивно отстранување, по што лицата постапија согласно истото и во доцните вечерни часови самостојно ги демонтираа тезгите.

Градоначалникот на Општина Центар, Горан Герасимовски, изврши увид во активностите за уредување на просторот во Градски Ѕид, зад објектот „Краш“, на потегот од Зелено пазарче до улицата „Македонија“.

По повод Светски ден на уметноста, утре, на 15 април, Општина Центар ја претвора улица Македонија во отворена уметничка сцена со фестивалот „Центарски улици 4“, кој започнува во 12:00 часот.