Градоначалникот на Општина Центар, Горан Герасимовски, на седницата на Советот ја повика советничката група на ВМРО- ДПМНЕ да престане да ги става партиските интереси пред потребите на граѓаните. Тој потсети дека во изминатите четири години Советот едногласно поддржувал проекти од интерес на центарци и дека токму таа соработка дала резултати.

На 2 декември, од 10:30 до 12:00 часот по средноевропско време, придружете ни се на првиот вебинар на проектот „Bridging Beliefs“, посветен на говорот на омраза и дезинформациите на интернет, во организација на АЛДА. Проектот „Bridging Beliefs“ има за цел да поттикне дијалог меѓу различните религии и уверувања, со цел зајакнување на демократијата во Европската Унија.

Со хуманост, солидарност и меѓугенерациско дружење, Општина Центар го одбележа 13 Ноември,  Денот на ослободувањето на Скопје. Традиционалниот хуманитарен фестивал „Симит и погача“ ги обедини граѓаните пред муралот на Горан Стефановски во Дебар Маало, а средствата собрани од базарот со домашни специјалитети се наменети за поддршка на повредените во пожарот во Кочани.

На денешната седница на Советот на Општина Центар, градоначалникот Горан Герасимовски одговори на обвинувањата за урбанистичкото планирање, посочувајќи дека последиците од деталните урбанистички планови донесени во минатото и денес го ограничуваат постапувањето на Општината.

Вкупно 243 семејства од Општина Центар оваа година добиле еднократна финансиска помош за новороденче во износ од 10.000 денари. Општината ја зголеми оваа поддршка од 7.000 на 10.000 денари, со цел да им помогне на младите родители за да им да им ги олесни трошоците по раѓањето на детето.

Општина Центар и оваа година финансиски им помага на младите да се стекнат со возачка дозвола. Од почетокот на годината до крајот на октомври, вкупно 149 центарци добија по 10.000 денари субвенција за обука и полагање за возачка дозвола Б-категорија. 

Општина Центар, во соработка со лиценцираната компанија  „Еко-текс груп“,  почна со поставување специјализирани контејнери за селекција на текстилен отпад,  пред основните училишта и детските градинки. 

Се донесува Решение за свикување на петнаесеттата седница на Советот на Општина Центар-Скопје. Седницата ќе се одржи на 13.11.2026 година /петок/, со почеток во 9.30 часот.

Регионалната програма за локална демократија во Западен Балкан 3 (ReLOaD3) е продолжение на партнерството на ЕУ - УНДП и претходно поддржаните иницијативи ReLOaD1 и ReLOaD2 што се спроведоа во период 2017-2024 год. ReLOaD3 програмата ќе трае до јануари 2029 и има за цел јакнење на партнерствата меѓу општинските власти и граѓанското општество преку создавање на поповолна средина за граѓанските организации (ГО), со поддршка на транспарентно јавно финансирање, поттикнувачка правна рамка, како и зголемено граѓанско учество во креирањето, спроведувањето и следењето на јавните политики.