Во рамки на Програмата за култура на Општина Центар-Скопје за 2026 година, се објавува Јавен повик за реализација на проектот „Нож и виљушка на европска чинија“ посветен на промоција на македонската и европската храна и култура. Учесниците на Јавниот повик потребно е да понудат програма со цел промоција на македонската кујна и различните кујни на европското поднебје, со фокус на локалните производители на храна.

По повод 20 март – Светскиот ден на оралното здравје, Општина Центар континуирано реализира бесплатни стоматолошки прегледи за деца од предучилишна и училишна возраст, како и за пензионерите, како дел од посветеноста на превенцијата и унапредувањето на оралното здравје.

На седницата на Советот на Општина Центар се донесени два нови детални урбанистички плана, за Градска четврт ЦС 14 „Кале и СРЦ Кале“ и за Градска четврт ЦС 01 „Француски гробишта, Тетовска трошарина и Парк 2“.

На иницијатива на градоначалникот на Општина Центар, Горан Герасимовски, спортската сала „Работнички“ го доби името на легендарниот тренер Лазар Лечиќ.Предлогот едногласно беше усвоен на денешната шеста седница на Советот на Општина Центар.

Градоначалникот на Општина Центар, Горан Герасимовски, ги поканува сите љубители на поезијата и музиката на 18 март, од 19:00 часот, во „Лабораториум“, на целовечерен поетско-музички настан „Светот ја слави поезијата. Градот ја слуша!”

Во рамки на Програмата за култура на Општина Центар-Скопје за 2026 година, и по повод роденденот на Горан Стефановски, се објавува Јавен повик за реализација на проектот под наслов: „Прослава на животот на Горан Стефановски“.

Градоначалникот на Општина Центар, Горан Герасимовски, денеска одржа средба со вршителката на должност амбасадор на Соединетите Американски Држави во Македонија, Никол Варнс.

Се донесува Решение за свикување на шестата седница на Советот на Општина Центар-Скопје. Седницата ќе се одржи на 13.3.2026 година /петок/ во 12.00 часот.