Објектот Пинокио, клон на детската градинка „Раде Јовчевски Корчагин“ добива санација на фасада, комплетна реконструкција на кровот. Надворешните тераси и внатрешноста на целиот објект. Во внатрешниот дел на објектот се работи во занималните и ходниците каде што се изведува реконструирање на дел од ентериерот, замена на внатрешната столарија и целосна замена на електричната инсталација и реконструкција на дел од водоводната и канализациона мрежа.
„Квалитетната и сеопфатна детска заштита подразбира континуирано подобрување на условите во градинките и грижа за најмладите. Затоа периодов работиме на обновување на фасадната и кровната конструкција и во објектот Пинокио со цел да придонесеме за уште подобри услови за престој на децата особено во зимските и дождливите периоди. Паралелно инвестициите во внатрешноста на градинката и просториите ќе допринесат до поквалитетен воспитно образовен процес и зголемен конфор за децата“, порача Герасимовски.
Се работи интензивно со цел да се овозможат подобри услови за престој на децата во градинката „Раде Јовчевски Корчагин“, а летниот период е поволен за извршување на градежните зафати, кои според предвидената динамика се планира да бидат завршени до крајот на август. Општина Центар и понатаму ќе продолжи да работи во интерес на граѓаните со цел да се задоволат потребните услови за згрижување на децата во градинките според најсовремените стандарди.
