Детски градинки
Предучилишно образование
Општина Центар, посветува големо внимание на предучилишното образование, преку мрежата на општински детски градинки кои нудат грижа, воспитување и едукација за најмладите жители
Овие установи се клучни за раниот развој на децата и за поддршка на семејствата. Децата се вклучени во различни едукативни и развојни активности, прилагодени на нивната возраст. Целта е да се поттикне социјалниот, емоционалниот, когнитивниот и физичкиот развој на децата преку игра, креативност и интеракција.
Општина Центар континуирано работи на подобрување на условите во градинките, инвестирајќи во модернизација на објектите, набавка на опрема и обука на кадарот, со цел да се обезбеди квалитетна предучилишна грижа и најдобар можен старт за иднината на децата.