Секторот за човечки ресурси е задолжен за активно, ефективно и ефикасно раководење и координација на работата на одделенијата во рамките на Секторот. Неговата примарна цел е да обезбеди поквалитетна, постручна и пофункционална општинска администрација.
Одделенија во рамките на Секторот за човечки ресурси
Во рамките на овој сектор функционираат две одделенија, Одделение за вработување, унапредување, мобилност, права и одговорности од работен однос и Одделение за мотивација, оценување, стручно оспособување и усовршување.
Маја Карчовска
Одделение за вработување, унапредување - мид
Одделение за мотивација, оценување - мид
Работни цели, задачи и обврски на Секторот за човечки ресурси
Работни цели
Главна цел на Секторот е стратешко управување со човечките ресурси во Општина Центар, со фокус на развој на професионални кадри, обезбедување на законско и етичко работење, и придонес кон целокупната ефикасност на општинските услуги.
Работни задачи и обврски
Секторот за човечки ресурси ги извршува следниве клучни задачи и обврски:
-
Управување со одделенијата: Ги распоредува работите и задачите на раководителите на одделенијата во Секторот.
-
Следење и примена на прописи: Ги следи законските прописи и другите општи акти од областа на локалната самоуправа и работните односи, како и законските прописи и другите општи акти што се однесуваат на државните службеници и другите вработени во јавниот сектор, и се грижи за нивната примена.
-
Планирање на работата: Подготвува предлог-програма за работа на Секторот.
-
Управување со развој на човечки ресурси: Дава насоки за управување со човечките ресурси од областа на вработувањето, унапредувањето, мобилноста, стручното усовршување и оспособување, мерењето на ефектот, персоналната евиденција, правата, обврските и одговорностите, како и други прашања во врска со работниот однос на вработените.
-
Учество во комисии: Членува во комисиите за спроведување постапки за вработување и во мрежата за управување со човечки ресурси при Министерството за информатичко општество и администрација (МИОА)