ЈАВЕН ПОВИК ЗА ГРАЃАНСКИ ОРГАНИЗАЦИИ ЗА ПОДНЕСУВАЊЕ ПРЕДЛОГ ПРОЕКТИ ВО РАМКИ НА РЕГИОНАЛНАТА ПРОГРАМА ЗА ЛОКАЛНА ДЕМОКРАТИЈА ВО ЗАПАДЕН БАЛКАН 3 (ReLOaD3)

ОПШТИНА ЦЕНТАР ВО ПАРТНЕРСТВО СО ПРОГРАМАТА ЗА РАЗВОЈ НА ОБЕДИНЕТИТЕ НАЦИИ (УНДП) ОБЈАВУВА:

ЈАВЕН ПОВИК ЗА ГРАЃАНСКИ ОРГАНИЗАЦИИ ЗА ПОДНЕСУВАЊЕ ПРЕДЛОГ ПРОЕКТИ ВО РАМКИ НА РЕГИОНАЛНАТА ПРОГРАМА ЗА ЛОКАЛНА ДЕМОКРАТИЈА ВО ЗАПАДЕН БАЛКАН 3 (ReLOaD3)

Регионалната програма за локална демократија во Западен Балкан 3 (ReLOaD3) е продолжение на партнерството на ЕУ - УНДП и претходно поддржаните иницијативи ReLOaD1 и ReLOaD2 што се спроведоа во период 2017-2024 год.

ReLOaD3 програмата ќе трае до јануари 2029 и има за цел јакнење на партнерствата меѓу општинските власти и граѓанското општество преку создавање на поповолна средина за граѓанските организации (ГО), со поддршка на транспарентно јавно финансирање, поттикнувачка правна рамка, како и зголемено граѓанско учество во креирањето, спроведувањето и следењето на јавните политики.

Во програмата се вклучени 5 општини: Аеродром, Берово, Кавадарци, Центар и Штип.

Општина Центар и ReLOaD3 програмата ги повикуваат сите граѓански организации да поднесуват предлог проекти кои се доследни на развојните цели на општина Центар и со кои се опфатени следните приоритетни области:

1. КУЛТУРА И ТУРИЗАМ

1. 1. Активности за едукација, промоција и зачувување на традиционални културни вредности преку иновативни алатки за трансфер на вредности и дигитализација со цел зачувување на духот и  културното наследство на општината.
   2. Поттикнување на алтернативен туризам преку промоција на традиционално занаетчиство, модерни занаети, културен туризам и еко туризам.

2. МЛАДИ

2.1 Активности за стекнување и развој на вештините кај младите кои не се дел од формалното образование за нивно зголемено вработување /  самовработување;

2.2  Поддршка на млади од ранливните категории семејства за зајакнување на нивното физичко, ментално и бихејвиорално здравје и поддршка на деца и млади во судир со закон;

3. ЖИВОТНА СРЕДИНА

3.1  Промовирање на отворени јавни простори за реализација на културни, едукативни и рекреативни активности на граѓаните од општината.

3.2 Подигнување на еколошката свест на граѓаните за одржување на чистотата на отворените јавни простори.

3.3 Поддршка на проекти за превенција и постапување при природни непогоди, пожари, климатски и еколошки ризици и други несреќи од локално значење.

Граѓанските организации можат да достават апликации во рамките на три ЛОТ-а:

ПРАВО НА УЧЕСТВО:

Јавниот повик е отворен за сите граѓански организации кои се формално регистрирани во Северна Македонија согласно со важечката законска регулатива (Закон за здруженија и фондации). Сите заинтересирани граѓански организации може да најдат детални информации за условите за пријавување и за критериумите за финансирање на проекти во Насоките за подносителите, кои се составен дел од документацијата за јавниот повик.

Важно: Подносителите на пријава мора да достават важечка потврда/решение за регистрација на организацијата во земјата (за носителот на проектот и евентуални партнери) кој е задолжителен документ.

ПРЕЗЕМАЊЕ НА ДОКУМЕНТАЦИЈА:

Сите потребни информации и електронската верзија на од документацијата може да се најдат на веб-страницата на општина Центар (https://www.centar.gov.mk), како и на веб-страницата на УНДП МК (www.undp.org/north-macedonia), во периодот од 05 ноември до 03 декември 2026 година.

ДОПОЛНИТЕЛНИ ИНФОРМАЦИИ

Јавниот повик ќе трае од 06.11.2026 (од 9:00 часот) до 04.12.2026 (до 15:00 часот). За времетраењето на јавниот повик ќе се одржи инфо сесија, обука и менторска поддршка за граѓански организации кои ќе учествуваат на јавниот повик. Инфо сесијата и еднодневната обука ќе се одржат на 10.11.2026 со почеток во 10:00 часот, во сала Матично во Општина Центар.

Во текот на обуката ќе бидат договорени термините за 5 менторски средби кои ќе бидат објавени на општинската веб страна.

Прашања во врска со јавниот повик може да се испратат електронски на следната е-мејл адреса: registry.mk@undp.org со назнака за ReLOaD3 програмата најдоцна до 30 ноември 2026. Одговорите ќе бидат испратени електронски во рок од 3 дена од приемот на барањето.

ПОДНЕСУВАЊЕ НА АПЛИКАЦИИТЕ:

Документацијата за јавниот повик треба да биде доставена во електронска форма на USB и да биде испратена по препорачана пошта или лично, во запечатен плик на кој е назначено дека е за јавниот повик, во работни денови (понеделник до петок), помеѓу 09:00 и 15:00 часот, на следната адреса:

Општина Центар

Михаил Цоков бр. 1,

1000 Скопје

Апликациите кои ќе бидат поднесени по овој краен рок ќе бидат разгледани само доколку на поштенската марка стои датум и време на испраќање пред официјалниот краен рок. На надворешната страна на пликот мора да стои името на јавниот повик за поднесување предлог проекти, целосното име и адреса на подносителот, целосниот назив на проектот и назнаката „Да не се отвора пред официјалното отворање".

Резултатите од Јавниот повик ќе бидат објавени на веб-страниците на општина Центар https://www.centar.gov.mk и УНДП МК https://www.undp.org/north-macedonia, во рок од 45 работни дена од затворањето на Јавниот повик (освен во случај на непредвидени околности). Само организациите чии апликации се избрани за финансирање ќе бидат известени по писмен пат.