Прв вебинар: статија за веб-страница и билтен – проект „Bridging Beliefs“
Вера и отпорност кон дигиталната омраза: вебинар – Пријавувањето е отворено!
На 2 декември, од 10:30 до 12:00 часот по средноевропско време, придружете ни се на првиот вебинар на проектот „Bridging Beliefs“, посветен на говорот на омраза и дезинформациите на интернет, во организација на АЛДА. Проектот „Bridging Beliefs“ има за цел да поттикне дијалог меѓу различните религии и уверувања, со цел зајакнување на демократијата во Европската Унија.
Вебинарот е посветен на говорот на омраза на интернет насочен кон верските заедници. Во сегашните услови на општествена поларизација, верска нетолеранција и предрасуди, проектот „Bridging Beliefs“ настојува да го унапреди структурираниот меѓурелигиски дијалог и дијалогот меѓу луѓе со различни уверувања, со цел градење поинклузивни и подемократски општества.
Онлајн-просторот стана суштинска арена за нашите демократии, каде што се развиваат јавната дебата и јавното мислење. Сепак, тој истовремено овозможи и ширење на говорот на омраза и дезинформациите, при што религијата често е нивна цел. Првиот вебинар на „Bridging Beliefs“ ќе се фокусира на препознавање на говорот на омраза, разбирање на оваа појава и, пред сè, на градење дигитална отпорност, меѓуверска солидарност и заеднички одговори на омразата од различни заедници. Ќе бидат опфатени активности за подигнување на свеста, зајакнување на капацитетите и размена на знаења за подобар меѓурелигиски дијалог и соработка.
Преку експертски излагања и интеракција со учесниците, ќе научиме како да го препознаваме говорот на омраза и како да градиме отпорни, заеднички одговори меѓу различните верски заедници.
Вебинарот ќе вклучи експертски согледувања и активно учество на присутните, со гостински говорници и истакнати верски претставници, како и интерактивни и заеднички активности. Особено важно е што во него ќе учествуваат здруженија и поединци од девет европски земји, кои припаѓаат на различни религии и верски традиции, со цел да се создаде збир на алатки за меѓуверска отпорност и справување со дезинформациите.
Ќе се надоврземе на сознанијата од претходната Меѓународна конференција во Милано, Италија, на настанот за зајакнување на капацитетите во Виченца, Италија, како и на локалните работилници во земјите учеснички.
Придружете ни се на 2 декември, од 10:30 до 12:00 часот по средноевропско време, на нашиот вебинар за говорот на омраза на интернет и дигиталната меѓурелигиска отпорност!
Своето учество можете да го пријавите тука: Bridging Beliefs webinar: Faith & Resilience against Digital Hate - Event registration form, а во документот во прилог можете да ги погледнете сите останати линкови од проектот.
Вебинарот ќе се реализира на англиски јазик.
