Дводневен шаховски турнир за учениците во ООУ „Димитар Миладинов“

Денес, во ООУ „Димитар Миладинов“, со особено задоволство го отворив дводневниот шаховски турнир наменет за учениците од прво до деветто одделение.

Нашите најмлади шахисти покажаа завидни вештини, концентрација и спортски дух. Со трпелива и внимателна игра, тие докажаа дека и во дигиталната ера, вистинските вредности на друштвените игри имаат своја посебна тежина.

Шахот не е само игра – тој развива логика, стратегија и дисциплина, квалитети кои се од големо значење за развојот на  секое дете.

Општина Центар останува посветена на поддршка и поттикнување на вакви настани, кои ги мотивираат младите да растат во здрав, креативен и интелектуален дух.